Combina multitude de estilos na súa música, pero sempre coa premisa fundamental da festa e da verbena.
Un grupo de amigos funda Lamatumbá. Axiña comezaron a tocar por diferentes lugares de Galicia levando consigo unha mescolanza de estilos e músicas. O seu estilo abarcaba a cumbia, o reggae, o ska, o pasodoble.. .
Nas súas cancións pálpase a ledicia e as ganas de troula, propias das verbenas máis enxebres do país. As súas letras van acompañadas, na maioría das ocasións, dunha forte crítica social ou dun enaltecemento da tradición galega, como se pode comprobar no xa himno popular "Licor café".
Froito dos seus ritmos pegadizos que non deixan a nadie quedo, é moi normal ver á xente bailando entre a masa dos seus concertos, ataviados con sombreiros ou mesmo complementos propios do entroido.
Cunha formación xa estable tras varios cambios, comezan a tocar fóra de Galicia, incluíndo, entre outros, o concerto de Nunca Máis en Madrid, e unha xira coma teloneiros da banda arxentina Bersuit que os leva polas mellores salas de todo o estado coma a Razzmatazz ou a Sala Capitol.Algúns dos seus albums de estudo:
| * | Licor Café | (2001) | - Xingreirae |
| * | Lume (para que saia o sol) | (2005) | -Falcatruada |
| * | Paraguas Universal | (2008) | - PAI-música |
| * | A Órbita da Banda Hipnótica | (2010) | - Discmedi |
