Panorama, onde vai arrasa

A orquestra Panorama, tras os seus vinte e dous anos de existencia, chega a ter o maior e máis sofisticado escenario de toda España, que ten 27 metros de longo, 12 de ancho e 10 de alto, con 150.000 W de luz e vídeo, e outros 70.000 de son.

Abriron este pasado ano Xacobeo en Santiago, despois das badaladas, iniciando así "A xira do Xacobeo", facendo referencia a que foron patrocinadores oficiais dese ano.

Naceu en Caldas, un 16 de maio de 1988. Actúan por toda Galicia, Asturias, León e parte de Portugal. Rematan o ano cunhas 200 e pico actuacións, nas que pasan todo xuño, xullo e agosto actuando todos os días seguidos.



Entrega dos 15.365€

A parte de dar o mellor espectáculo, son solidarios co cancro, xa que todos os anos por navidades lévanlle ao hospital materno infantil Teresa Herrera todo o diñeiro recadado coa venda de CDs, DVDs e camisetas. Este último ano 2010 entregaron 15.365€, e Patricia Crespo, a que leva o clube de fans, recadou 1215€ cunha iniciativa propia de abrir unha conta en caixa galicia para que os fans que quixeran ingresar un euro cada un. Por esta causa tamén celebran a gala contra o cancro todos os anos dende 2008 en Ordes, o 30 de abril. Este ano trouxeron a artistas como: Sergio Dalma, Juan Magán, Carlos Baute, Isabel Pantoja, Soraya, Kate Ryan, Santa Fé, Tamara, Seguridad Social e Melocos. Tamén trouxeron a Diana, antiga

Jorge e Sergio Dalma

cantante de Panorama e a primeira, que pasou dez anos na orquestra e que ó final retirouse deste mundo. Cantou a súa mítica canción "Europa" de Mónica Naranjo, como xa facía durante toda a  tempada "All stars tour" 2008. Tamén foi onde mostraron a súa nova

Panorama con Diana, antiga cantante

canción "Dale al boom boom", tras o seu antigo éxito con"Como está el Panorama", déixovos este tema en galego e a orixinal. Ese día conseguiron concentrar a máis de 40.000 persoas. Ademáis, esta foi a gala onde caeu a Pantoja. E como presentadores de luxo, Soraya e Carlos Baute.  



Soraya e Baute como presentadores



Maite e Isabel Pantoja





Tamén, este pasado ano 2010, a orquestra Panorama volveu gañar por quinto ano consecutivo o concurso á mellor orquestra de Galicia, que realiza a páxina web "Anosacosta". Recolleron o 33,37% dos 1.714 votos recolectados na fase final.

Gravación do videoclip "Casa blanca"

Este pasado ano, tamén fixeron unhas gravacións con Óscar Fraga, tamén coñecido como Virvi, que logo usarían como vídeo de fondo para as dúas primeiras cancións e para o musical que integraron no seu repertorio ao chegar o verán, no que incluían cancións como "Singing in the rain"; "Getsetmaní", do musical "Jesucristo Superstar"; "I will always love you", da película "Casa blanca"; a canción do fantasma da ópera; a dos picapedra... 


Gravación do videoclip "Singing in the rain"

 
Este 6 de setembro, foi un día tráxico para eles e para todos os seus fans. Cando ían dar as catro e media da tarde, na AP-9, no kilómetro 61, á altura de Sigüeiro, fáialles unha zapata dos freos e unha das rodas traseiras comeza a arder. Chegan bombeiros do concello de Santiago e de Ordes. Por sorte non houbo danos persoais, pero si materiais, e moi grandes, valorados en cerca de 1.000.000€. Por se fose pouco, eses días, Lito, cantante e xefe da Panorama, estaba enfermo con larinxitis aguda, houbo uns días que tivo que ir para o hospital. Aída todo iso, ese mesmo día, tiñan unha actuación en Guísamo e foron igualmente, cumpriron con todas as actuacións que tiñan, pero cun escenario prestado. O luns pasou o acidente,

"Ojos así"

e ó seguinte venres xa tiñan todo de novo.

"Halo"

En Guísamo, unha pandilla de chavales escibiron unha pancarta, que poñía: "Panorama é máis ca un escenario". Eles intentaron facer todo o posible por manter o seu espectáculo. Por desgraza deste acidente non puideron volver facer o musical que facían, pero din que o poñerán para a xira 2011 e con novedades. A parte deste musical tamén fan máis cancións cunha posta en escena espectacular, como na canción de Shakira "Ojos así", ou na de Beyoncé "Halo".

No mes de maio celebraron a "Diverfesta", adicada ós fans e seguidores máis pequenos, na que fixeron un concurso de baile, karaoke, hinchables... e premio para o gañador do concurso.

Tamén, este ano, uníronse xunto con Costa Oeste e Philadelphia en Cambados o día 30 de outubro para facer unha macroverbena co lema "Libre de alcohol libre de preocupacións", coa intención de concienciar á xente nova de que non beba cando fose coller o coche.

Chegan a ter tanta popularidade que se botas unha ollada ós periódicos, ás radios galegas e ás televisións non só galegas, senón que na Sexta, Antena 3 e Telecinco, oirás falar deles.

Escoitade isto, son unhas das mellores cancións de entre un millón que teñen: "Asturias", o vídeo da gala en Ordes do 20 aniversario, 2008; "I have nothing",  o vídeo do 20 aniversario de Cambados, 2008; "Getsetmaní", dende o 2003 ata agora; "Mujer contra mujer", gala do 20 aniversario 2008 en Ordes; "Ghost-Melodía encadenada", no ano 2004.

Aquí vos deixo a canción "Como está el panorama, remix":

Este novo ano 2011, aínda están preparando a tempada "Planet Tour". De momento xa teñen dúas novas fichaxes: Dunia, voz da orquestra Costa Oeste substituirá a Maite, que se vai para D´moda; e Juan Manuel ou Chino, batería da orquestra Isla substitúe a Jacko que deixa este mundo. Tamén vaise o seu mánager coñecido como Gotchi.

A nova tempada aproxímase e seguro que traerá outro novo ano de festa e parranda para todos os seus fans e para toda Galicia.